Հիմա էլ անցան Հայաստան-Թուրքիա սահմաններին

Հանուն այսօրեական շահույթի արդեն տասնյակ քառ. կմ տարածք հանձնել են Թուրքիային:

Հայաստան-Թուրքիա սահմանի հիմնական հատվածի կողմնորոշիչը Արաքս գետի հունն է, որը փոփոխական է:

ԽՍՀՄ տարիներին պարբերաբար միջպետական սահմանների ճշգրտումներ էին իրականացվում, քանի որ Արաքսի գարնանային վարարումների արդյուքում գետը փոխում էր իր հունը, և անհրաժեշտություն էր առաջանում, միջպետական սահմանային հանձնաժողովի շրջանակներում, սահմանների ճշգրտումներ կատարել:

Վերջին տասը տարում առնվազն 5 անգամ Արաքսի վարարումներ են եղել, որոնց արդյունքում գետը փոխել է հունը Ռանչպար գյուղի հատվածում և ի վնաս Հայաստանի տարածքի: Թե ով և ինչպես պետք է սահմանի ճշգրտումներ կատարի, և որ գերատեսչությունն է պատասխանատու հաշվարկների համար, առայժմ անհայտ է:

Հայաստանում ունենք Ազգային անվտանգության խորհուրդ, սակայն այդ խորհուրդը միայն զբաղված է եվրոպական դրամաշնորհների իրացմամբ` հայ-վրացական սահմանի սահմանային անցակետերում: Սակայն հեղեղումների արդյունքում սահմանների փոփոխությունն այլ խնդիր է, տնտեսական գործունեության արդյունքում սեփական երկրի տարածքին վնաս հասցնելն` այլ խնդիր:

Հայաստանի կողմից Ազատավան և Դալար գյուղերի, իսկ Թուրքիայի կողմից Ռամազանկենտ և Հաջիաղա գյուղերի հատվածում անհայտ գործարարներ Արաքսի Հայաստանի ափից ավազ են հանում օգտագործելով ծանր տեխնիկա: Արդյունքում Արաքս գետը փոխում է հունը դեպի Հայաստանի տարածք, իսկ թուրքական կողմում նոր տարածքներ են ավելանում:

2012 թ. Ռամազանկենտ և Հաջիաղա գյուղերի բնակիչները սկսել մշակել հայկական կողմից “նվեր” ստացած հողատարածքները: Հիմա հարց է առաջանում, թե ովքեր և ում հովանավորությամբ են ավազ հանում Արաքս գետի ափերից: Ինքնին պարզ է, որ այդ ավազի հանումն անօրինական է: Սա արդեն ստվերային տնտեսական գործունեության չէ, ոչ էլ` կոռուպցիա:

Սա արդեն հայրենիքի դավաճանություն է, որի թիկունքում կանգնած են նաև մարդիկ` իշխանական ամենաբարձր մակարադակներում:

Թե որքան տարածք ենք հանձնել Թուրքիայի յուրաքանչյուր քաղաքացի բավարար ճշտությամբ կարող է հաշվել, եթե հեռադիտակով ուսումնասիրի Հայաստան- Թուրքիա սահմանի Ռանչպար-Ազատավան- Դալար գյուղերի հատվածները:

http://www.armweeklynews.am/awn/mn12/mn_1153.htm