Թուրքիայում պատգամավորի երդման տեքստից հանվելու են «Աթաթուրք» եւ «աշխարհիկ» բառերը

Թուրքիայում իշխող և իսլամիստական հայացքներ կրող Արդարություն եւ զարգացում կուսակցությունը խորհրդարանի Սահմանադրության փոխհամաձայնության հանձնաժողով է ներկայացրել նոր սահմանադրության մեջ արվելիք փոփոխությունը, որը մեծ արձագանք է գտել գլխավոր ընդդիմության մոտ։

Թուրքական Milliyet-ի փոխանցմամբ՝  իշխող կուսակցության կողմից խորհրդարանի Սահմանադրության փոխհամաձայնության հանձնաժողովին ներկայացրած փաթեթի մեջ աչքի է ընկել այն կետը, ըստ որի` Թուրքիայի նախագահը, փոխնախագահը, նախարարները եւ պատգամավորները պարտականություններն ստանձնելուց առաջ տված երդման տեքստից հանվում է «Աթաթուրքի սկզբունքներին» եւ «աշխարհիկ հանրապետություն» արտահայտությունները։

Ներկայացված առաջարկների մեջ է նաեւ պատգամավոր ընտրվելու տարիքի իջեցումը մինչեւ 18-ի։

http://news.am/arm/news/128725.html