Թուրքական Ulusalkanal.com.tr կայքը ներկայացրել է Թուրքիայում հայտնի որոշ գործիչների կամ զինվորականների ազգային պատկանելությունը` ըստ Chronicle ամսագրի լրագրող Թունջայ Օփչինի եւ Taraf պարբերականի լրագրող Մեհմեդ Բարանսուի։
Թունջայ Օփչինի եւ սկանդալային լրագրող Մեհմեդ Բարանսուի համատեղ ներկայացրած «Դեւշիրմեյի բանակի վերջին պատերազմը» (դեւշիրմե-Օսմանյան կայսրությունում քրիստոնյաներից իրականացվող մանկահավաք) գրքում ազգությամբ հայ է հիշատակվում երդվյալ հակահայ, «Աշխատավորական» կուսակցության նախագահ, Եվրոպայում Հայոց ցեղասպանության ճանաչման դեմ ակտիվ պայքար մղող «Թալեաթ փաշա» կազմակերպության ղեկավար Դողու Փերինչեքը։
Ազգությամբ հայեր են «Էրգենեկոն»-ի գործով անցնող մեղադրյալներ, խիստ հակահայ պաշտոնաթող գեներալ Վելի Քյուչուքը եւ Cumhuriyet թերթի նախկին լրագրող Իլհան Սելչուքը, պաշտոնաթող գնդապետ Մուսթաֆա Լեւենթ Գյոքթաշը։
Ըստ գրքում ներկայացրած փաստերի, հայ է նաեւ Վանի Հարյուրամյա համալսարանի նախկին ռեկտոր Յուջել Աշքընը։
Գրքում նշվում են ազգությամբ հրեա եւ հույն մի շարք այլ քաղաքական եւ զինվորական անձանց մասին։
Leave a Reply