Թուրքիայի հարավ-արևելյան Դիարբեքիր նահանգում չեղարկվել է զինվորականների շքերթը, որով պետք է նշանավորվեր Թուրքիայի Հանրապետության հիմնադիր Մուստաֆա Քեմալ Աթաթուրքի՝ Դիարբեքիր կատարած այցելության 75-ամյակը, հայտնում է Hurriyet-ը:
Տոնական շքերթը չի կայացել, քանի որ թուրքական իշխանությունները անվտանգության ապահովման հարցերում մտավախություններ ունեն: Տարածաշրջանում ակտիվացել են թուրք-քրդական բախումները:
Թուրքիան բավարարվել է միայն պաշտոնական արարողությամբ՝ նույն առիթով:
1937-ին Աթաթուրքը ժամանել էր տարածաշրջան և հրահանգել, որ այն վերանվանվի հենց «Դիարբեքիր»՝ մինչ այդ շրջանառվող արաբա-պարսկական «Դիարբաքր» ձևի փոխարեն:
Leave a Reply