Թուրքիայի Մարդու իրավունքների պաշտպանի թեկնածու է առաջադրվել Դինքին դատած դատավորը

Թուրքիայի Մարդու իրավունքների պաշտպանի պաշտոնին որպես թեկնածու առաջադրվել է նաեւ Ստամբուլի «Ակօս» թերթի հայազգի խմբագրապետ Հրանտ Դինքին տխրահռչակ 301-րդ հոդվածով սահմանված պատիժը հաստատած Վճռաբեկ դատարանի դատավոր Նիհաթ Օմերօղլուն: Թուրքիայի օմբուդսմենի ընտրությունը տեղի է ունենալու նոյեմբերի 29-ին` փակ գաղտնի քվեարկությամբ:

Ինչպես հաղորդում է «Արմենպրես»–ը` վկայակոչելով թուրքական «Թարաֆ» թերթը, Օմերօղլուն համարվում է այդ պաշտոնում առաջադրված երեք թեկնածուներից ամենաուժեղը:

Հրանտ Դինքի նկատմամբ այդ դատավճիռը բողոքարկվել էր Մարդու իրավունքների եվրոպական դատարանում, որն արդարացրել էր նրան եւ Թուրքիայի կառավարությանը պարտադրել փոխհատուցում վճարել Դինքի ընտանիքին:

http://armenpress.am/arm/news/699567/turqiayi-mardu-iravunqneri–pashtpani-teknatsu-e-arajadrvel.html