Գերմանիայի Հանրային ռադիոն` Հայոց ցեղասպանության մասին

Նոյեմբերի 13-ին Գերմանիայի Հանրային ռադիոն Հայոց ցեղասպանության մասին առանձին հողորդում է հեռարձակել: Ներկայացվել է թուրք լրագրող Հասան Ջեմալի՝ Ցեղասպանության մասին պատմող գիրքը. հայտնում է janarmenian.ru-ն:

Հաղորդման մեջ, մասնավորապես, նշվել է. «Հայոց ցեղասպանությունը երկար ժամանակ տաբու է եղել Թուրքիայում: Այդ տաբուով է մեծացել նաեւ լրագրող Հասան Ջեմալը, ով Ցեղասպանության մասին իր անձնական մոտեցումներն ու հարցադրումներն ընդգրկել է «1915. Հայոց ցեղասպանություն» գրքում: Հատկանշական է, որ գրքի կազմի լուսանկարում հեղինակը սպիտակ մեխակներ է դնում Երեւանում գտնվող Ցեղասպանության զոհերի հիշատակն անմահացնող կրակի մոտ»:

Գրքի բովանդակության հակիրճ ներկայացումից հետ նշվում է, որ Ջեմալի ընկերն էր հայազգի լրագրող Հրանտ Դինքը, ով գնդակահարվեց Ստամբուլ փողոցում միայն այն բանի համար, որ հայ էր, պայքարում էր պատմական արդարության համար եւ փորձում հաշտության եզրեր գտնել հայերի ու թուրքերի միջեւ:

«Թուրքական զինվորական ղեկավարության կողմից Ցեղասպանության ծրագրման ու իրականացման մասին ամեն ինչ ասվել ու գրվել է, միայն թուրքական ծայրահեղ ազգայնական շրջանակներն են դեռ կասկածի տակ դնում պատմական փաստերը»,- նշվել է ռադիոհաղորդման ժամանակ:

http://www.yerkir.am/am/news/35265.htm