Թուրքիայի հակաքրիստոնեական պատը ճաք տվեց

Նոր օրենքով քաղաքապետարաններն իրավունք ունեն նաև եկեղեցիներ կառուցել, իսկ եկեղեցիները` ուսուցողական խմբեր ունենալ:

Թուրքիայի Մեծ մեջլիսի “Մեծ քաղաքների ինքնակառավարման մարմինների մասին” օրենքում (Քաղաքապետարանների մասին օրենք) “մզկիթ” (cami) բառի փոխարեն օգտագործվում է “աղոթատուն ” (mabet) բառը:

Առաջին հայացքից այս մի բառի փոփոխությունը կարող է խմբագրական փոփոխություն թվալ, սակայն իրականում սա ‘ճաք է Թուրքիայի հակաքրիստոնեկան պատի մեջ”: Ինչպես տեղեկացնում է թուրքական Milli օրաթերթը, այս մեկ բառի փոփոխությամբ մզկիթները հավասարվում են եկեղեցիներին, և այն մոտեցումը, որ մինչ օրս քաղաքապետարանների կողմից կար մզկիթների նկատմամբ, այժմ նույն մոտեցումը պահանջվում է նաև եկեղեցիների նկատմամբ (նաև ալևիների ջեմեվիների նկատմամբ):

Թուրքիայի «Քաղաքապետարանների մասին» օրենքի 14-րդ և 7-րդ հոդվածները սահմանում են, որ քաղաքապետարաններն իրավունք ունեն “աղոթատներ” կառուցել և այդ աղոթատներին (եկեղեցիներ և մզկիթներ) սահմանված կարգով զեղչով կամ էլ անվճար խմելու ջուր մատակարարել: Նույն հոդվածները սահմանում են, որ “աղոթատներն” իրավունք ունեն իրենց կից կրոնական ուսուցողական խմբեր ունենալ:

Այս փոփոխություններն իհարկե Թուրքիան կամավոր չի իրականացնել: Թուրքիան պարզապես կատարել է Եվրամիության անդամ դառնալու իր բազմաթիվ պարտավորություններից ընդամենը մեկը:

Սակայն սա էլ դրական քայլ է, ինչը թույլ կտա վերականգնել Պոլսո պատրիարքարանի գործունեությունը Թուրքիայի ողջ տարածքում, եթե կարողանա համագործակցության եզրեր գտնել մեծ քաղաքների քաղաքապետարանների հետ, ինչպես դա եղավ Տիգրանակերտում, երբ Դիարբեքիրի քաղաքապետարանը 1 մլն լիրա տրամադրեց Սրբ. Կիրակոս եկեղեցու վերականգման աշխատանքները համաֆինանսավորելու նպատակով:

http://www.armweeklynews.am/awn/mn12/mn_1128.htm