Մեր հայրենակիցները ինչ-որ հատուկ վերաբերմունք ունեն «ցեղասպանություն» բառի հանդեպ: Այդ մասին նոյեմբերի 13-ին` մամուլի ասուլիսի ընթացքում, հայտնել է Կանադայում Հայաստանի նախկին արտակարգ եւ լիազոր դեսպան, «Մոդուս Վիվենդի» կենտրոնի տնօրեն, քաղաքագետ Արա Պապյանը:
Հարցին՝ ԱՄՆ-ի վերընտրված նախագահ Բարաք Օբաման 2015թ. կարտաբերի արդյոք «ցեղասպանություն» բառը, նա պատասխանել է. «Այդ բառի նկատմամբ համընդհանուր վերաբերմունք է ձեւավորվել, ինչը, ամենայն հավանականությամբ, գալիս է սփյուռքից: Անգամ եթե ԱՄՆ-ն ճանաչի Հայոց ցեղասպանությունը, դա էական ոչ մի արդյունք չի ունենա: Օրինակ, Ֆրանսիան արդեն ճանաչել է, բայց դա որքանո՞վ է ազդում Թուրքիայի վրա: Այդ հարցում Ֆրանսիայի կողմից ոչ մի ճնշում չի նկատվում»:
Պապյանի խոսքով՝ հայկական կողմի համար շատ կարեւոր է Ցեղասպանության հետեւանքների վերացումը:
«Ճանաչումն իմաստ ունի միայն ճանաչում-փոխհատուցում համատեքստում: Մենք պետք է հստակ իրավական ճանապարհով գնանք», – ընդգծել է նա:
Լուսանկարը՝ Արսեն Սարգսյանի / NEWS.am
Leave a Reply