Էրդողանի աշխատասենյակից գաղտնալսող սարքեր են հայտնաբերվել. թուրք պատգամավոր

Թուրքիայի ընդդիմադիր Ժողովրդահանրապետական կուսակցության պատգամավոր Գյուրսել Թեքինը հայտարարել է, թե երկրի վարչապետ Ռեջեփ Թայիփ  Էրդողանի գրասենյակից գաղտնալսող երկու սարք է հայտնաբերվել։
Թուրք պատգամավորի պնդմամբ՝ հենց այդ պատճառով էլ վերջերս Էրդողանը փոխել է իր թիկնապահներին։
«Սյոզջու» պարբերականի փոխանցմամբ՝ Թեքինը նաև պնդել է, թե խորհրդարանում նրա սենյակը գրեթե թալանվել է։
«Այստեղից դիմում եմ վարչապետ Էրդողանին՝ սենյակիցդ արդյոք գաղտնալսող սարք հայտնաբերվե՞լ է, քեզ ո՞վ է գաղտնալսում, ո՞ր հետախուզական ծառայությունն է հետևում, այդ սարքի միջոցով ո՞ր գաղտնի հանդիպումներն են գաղտնալսվել»,-ասել է Թեքինը։

http://tert.am/am/news/2012/11/14/erdoghan-tekin/