Թուրքիայի 6 առաջատար քուրդ քաղաքական գործիչներ միացել են այդ երկրի քուրդ բանտարկյալների հացադուլին, որը շարունակվում է արդեն 60 օր, հայտնում է Reuters-ը:
Նրանց պահանջների թվում է կոչը՝ թույլ տալ քրդերի բանտարկված առաջնորդ Աբդուլա Օջալանին հանդիպել իրավաբանների հետ:
Քաղաքական գործիչների թվում է Դիարբեքիրի քաղաքապետ Օսման Բայդեմիրը, ինչպես նաև՝ Թուրքիայի խորհրդարանի 5 անդամներ:
Թուրքիայի տասնյակ բանտերում մոտ 700 քուրդ բանտարկյալներ հացադուլի միջոցով պահանջում են, որպեսզի իշխանությունները թույլ տան Ստամբուլի կղզիներից մեկում պահվող Աբդուլա Օջալանին 15 ամսվա դադարից հետո կրկին հանդիպել իրավաբանների հետ: Հացադուլավորները «սնվում են» շաքարով ջրով և վիտամիններով: Թուրքիայի բժիշկները նախազգուշացրել են, որ մահվան դեպքերն անխուսափելի են:
Քրդերը կազմում են Թուրքիայի բնակչության մոտ 1/5-րդը՝ 15 մլն մարդ:
Leave a Reply