Թուրքիայում Աթաթուրքի նկարը հայտնվել է զուգարանի դռան վրա

Թուրքիայի Հանրապետության հիմնադիր Մուսատաֆա Քեմալ Աթաթուրքի դիմանկարի հետ տեղի ունեցած միջադեպը խայտառակության առիթ է դարձել: Ինչպես հաղորդում է «Արմենպրես»-ը` վկայակոչելով թուրքական HaberTurk-ը, Թոքաթ քաղաքում Աթաթուրքի դիմանկարը` «Բարի գալուստ» գրությամբ, կախվել է ճաշարաններից մեկի զուգարանի դռան վրա:

Սկզբում այցելուները, չիմանալով, որ դիմանկարը կախված է զուգարանի դռան վրա, ողջունել են ճաշարանի սեփականատերերի նախաձեռնությունը: Սակայն այն բանից հետո, երբ պարզ է դարձել, թե դուռն ուր է տանում, վերջիններս խստորեն են արձագանքել` իրենց բողոքի ձայնը բարձրացնելով: Միջադեպի առնչությամբ «Քեմալական մտքի ասոցիացիա»-ի ենթաբաժնի պետ Ֆերամուս Թոյրան դատական գործ է հարուցել:

«Թուրքիայի Հանրապետության հիմնադիր Մուստաֆա Քեմալ Աթաթուրքի նկարը զուգարանի դռանը փակցնելը վիրավորանք է: Խստորեն քննադատում ենք: Հուսով ենք, որ դատարանը արժանի պատիժ կտա նախաձեռնության հեղինակներին»,- նշել է Թոյրան:

http://armenpress.am/arm/news/699054/turqiayum-ataturqi-nkary-haytnvel-e-zugarani-dran.html