Աթաթուրքը 1925թ. հայերի ունեցվածքը կառավարության որոշմամբ տվել է նաև ցեղասպանություն ծրագրողների ընտանիքներին

Այսպիսի արխիվային փաստաթղթերը պետք է լինեն հայ պատմաբանների ուշադրության կենտրոնում

Հրապարակախոս Մուրադ Բարդակչըն խիստ քննադատել է Ջեմալ փաշայի թոռան վերջին գիրքը` 1915 թ. ցեղասպանության վերաբերյալ:

Ջեմալ փաշայի թոռը` Հասան Ջեմալը, հրապարակել է ««1915: Հայերի ցեղասպանություն» գիրքը, ուր փորձ է արվում ցեղասպանություն իրականացրածի ժառանգի տեսակետից նայել իրադարձություններին:

Հրապարակախոս Մուրադ Բարդաքչըն Haberturk կայքում գրել է, որ Հասան Ջեմալը մոռացել է, չգիտի ողջ ճշմարտությունը: Իր հոդվածում նա ներկայացրել է կառավարության որոշման արխիվային մի փաստաթուղթ, որը թիվ 5559 համարով ուժի մեջ է մտել 1925թ. դեկտեմբերին` Աթաթուրքի և կառավարության բոլոր անդամների ստորագրությամբ:

Այդ փաստաթղթով որոշվել է, որ 1923թ. 19 սեպտեմբերի թիվ 339 որոշմամբ պետության կողմից բռնագրավված հայերի անշարժ գույքը Ստամբուլի Բեյօղլու, Ֆարիքքյոյ և ֆրանսիական գերեզմանոցի դիմաց Թաթավլա պողոտայի Վիիգեն Հոկուչյանի կողմից թողնված անշարժ գույքը տրամադրել հայ վրիժառուների կողմից սպանված թուրք պետական գործիչների ընտանիքներին:

Փաստաթղթից պարզ է դառնում, որ 1450 քառ.մ. հողատարածքը և 200 քառ.մ. շինությունները տրամադրվել են Թիֆլիսում զոհված Ջեմալ Փաշայի ընտանիքին:

http://www.armweeklynews.am/awn/mn12/mn_1118.htm