Հանդիսավորապես ներկայացվեց «Հայոց ցեղասպանության վերապրածների վկայություններ» եռահատոր ժողովածուն

Հայաստանի ազգային արխիվի նախաձեռնությամբ  նոյեմբերի 8-ին կայացավ «Հայոց ցեղասպանությունն Օսմանյան Թուրքիայում. վերապրածների վկայություններ» փաստաթղթերի եռահատոր ժողովածուի շնորհանդեսը: «Արմենպրես»-ի փոխանցմամբ՝ Հայաստանի ազգային արխիվի տնօրեն Ամատունի Վիրաբյանը նշեց, որ գրքերը կթարգմանվեն թուրքերեն, ֆրանսերեն, անգլերեն և ռուսերեն լեզուներով` համաշխարհային հանրությանն առավել հասանելի դարձնելու նպատակով:

 ՀՀ ԳԱԱ թղթակից անդամ Աշոտ Մելքոնյանը կարևորեց ժողովածուի գիտաքաղաքական նշանակությունը: «Ցեղասպանության հարյուրամյա տարելիցին ընդառաջ մենք լուրջ կռվան ունենք թուրքերի դեմ պայքարելու համար: Ժողովածուի մեջ գյուղ առ գյուղ, գավառ առ գավառ ներկայացվում է ամբողջ Արևմտյան Հայաստանի ցեղասպանության ահռելի պատկերը»,- ընդգծեց Մելքոնյանը:

 Գարեգին Երկրորդ Ամենայն Հայոց Կաթողիկոսն իր հայրապետական օրհնությունը հղեց ժողովածուի շնորհանդեսի կապակցությամբ:

Միջոցառմանը ներկա էին քաղաքական գործիչներ, գիտնականներ, արվեստագետներ, պատմաբաններ,  մշակութային գործիչներ, հոգևորականներ:

http://armenpress.am/arm/news/698891/%E2%80%9Ctestimonies-of-the-armenian-genocide%E2%80%99s-survivors%E2%80%9D-three-volume-collection-was-solemnly-presented.html