Կովկասի արդյունաբերողների և գործարարների միության գլխավոր քարտուղար Ջենգիզ Քայան հայտարարել է, որ Կարսի զբոսաշրջային պոտենցիալն արդյունավետ չի օգտագործվում։
Նա առաջարկել է քայլեր ձեռնարկել՝ պատմական շինություններն արդյունավետ օգտագործելու համար։
«Զբոսաշրջություն ասելով` մարդիկ առաջինը ծովափ են հասկանում, սակայն դա այդպես չէ։ Օրինակ՝ Կարսում ծովից բացի ամեն ինչ կա։ Մենք, որպես միություն, անում ենք հնարավորը»,-ասել է նա՝ կարևորելով հատկապես Անին և Հայաստանի հետ սահմանակից Ախուրյանը (Արփաչայ)։
Հիշեցնենք, որ Կարսի և Անիի վերակառուցման և զբոսաշրջության նպատակով օգտագործման համար վերջերս սկսել էին վերակառուցել Անիի որոշ եկեղեցիներ, սակայն Կարսն ու Անին շրջակայքի գյուղերի բնակիչների անասունների համար շարունակում են հարմար արոտավայր մնալ։
Leave a Reply