Ամերիկա կ՛ընդդիմանայ Կիպրոսի գրաւեալ հայկական եկեղեցին շահագործելու թրքական փորձին

ՊՈԼԻՍ.- «Մարմարա» իր հինգշաբթի, նոյեմբեր 8ի թիւով կը տեղեկացնէ, թէ Թուրքիոյ կողմէ 1974ին բռնագրաւուած հիւսիսային Կիպրոսի մէջ մնացած հայկական վանք մը նորոգութեան կ՛ենթարկուի Միացեալ ազգերու կազմակերպութեան (ՄԱԿ) Զարգացման յայտագիրի քաջալերութեամբ ու 5 միլիոն տոլարի յատկացումով։
Մինչ հայկական վանքը նորոգութեան կ՛ենթարկուի, թրքական իշխանութիւնները յայտարարած են, թէ վերանորոգուած հայկական վանքը պիտի տրամադրուի Միջին Արեւելքի թրքական համալսարանին, որպէսզի համալսարանը այս շէնքը գործածէ իբրեւ թրքագիտութեան հիմնարկ:
Միացեալ Նահանգներու իշխանութիւնները առարկած են յիշեալ վանքը թրքագիտական հիմնարկի վերածելու ծրագիրին դէմ եւ ազդարարած են, թէ այդ պարագային վերանորգութեան տրամադրուող օժանդակութիւնները պիտի դադրեցնեն։

http://asbarez.com/arm/145858/