Հայ գրողների ստեղծագործությունները թուրքական եթերում

Ստամբուլի հայկական «Ակօս» շաբաթաթերթի անձնակազմը նոյեմբերի 10-ից թուրքական Açık Radyo-ի (Աչըք ռադիոյի) եթերում ամեն շաբաթ օր հանդես կգա նոր հաղորդմամբ:

News.am-ից տեղեկանում ենք, որ Açık Radyo-ի եթերում «Ակօս»-ի ներկայացրած նախագիծը կկոչվի «Ռադիո Ակօս», որի ընթացքում Թուրքիայի եւ աշխարհի տարբեր իրադարձությունների վերաբերյալ կտրամադրվեն տեղեկություններ եւ հարցազրույցներ:

Açık Radyo-ն նոյեմբերի 1-ից եթեր է մտցրել հետաքրքրական մեկ այլ նախագիծ ևս: Նախագիծը կոչվում է «Հայ գրականության նմուշներ», այս հաղորդման ընթացքում ընթերցվում են 1912 թ. Սարգիս Սրենցի կազմած եւ վերջերս վերահրատարակած «Հայ գրականության նմուշներ» կոչվող գրքում տեղ գտած ստեղծագործությունները եւ ընդհանրապես հայ գրողների ստեղծագործությունները` թուրքերեն թարգմանությամբ:

Ի. Պ.

http://azg.am/AM/2012110917