Թուրքիայի խորհրդարանում կրկին իրար են հարվածել

Թուրքիայի Ազգային մեծ ժողովում հերթական անգամ ծեծկռտուք է տեղի ունեցել, փոխանցում է CNNTurk-ը:

Այս անգամ «հերոսացել» են իշխող Արդարություն և զարգացում և ընդդիմադիր Ազգայնական շարժում կուսակցություններից ընտրված պատգամավորները:

Զանգվածային հրմշտոցը սկսվել է, երբ թուրքական խորհրդարանում քննարկվել է «մեծ քաղաքների» մասին օրինագիծը: Իշխող և ընդդիմադիր ազգայնական կուսակցությունները չեն կիսել նույն տեսակետը, ինչին հետևել է ֆիզիկական ուժով հարաբերությունների պարզումը:

Շրջապատում գտնվող պատգամավորներին հաջողվել է կանխել զանգվածային ծեծկռտուքը, սակայն կողմերը հասցրել են փոխանակվել մի քանի հարվածներով ու թունդ խոսքերով:

Նշենք, որ Թուրքիայի խորհրդարանում նման դեպքերը խիստ հաճախակի բնույթ են կրում և անգամ վերածվում են իսկական ծեծկռտուքի:

http://haynews.am/hy/1352366602