Թուրքիայի խորհրդարան է մտցվել խորհրդարանականից նախագահական հանրապետության անցնելու մասին օրինագիծը

Թուրքիայի իշխող Արդարություն և զարգացում կուսակցությունը (ԱԶԿ) խորհրդարան է մտցրել խորհրդարանականից նախագահական հանրապետության անցնելու մասին առաջարկը, հայտնում է РИА Новости-ն՝ վկայակոչելով Reuters գործակալությանը։
Համաձայն գործող քաղաքական համակարգի՝ Թուրքիայում նախագահը շատ հարցերում համարվում է արարողակարգային գործիչ, իսկ իրական իշխանությունը պատկանում է կառավարության ղեկավարին։ Սակայն սահմանադրական բարեփոխումների շրջանակում ԱԶԿ-ն նախատեսում է նախագահին շնորհել զգալի լիազորություններ:

Ի տարբերություն նախորդ ընտրությունների, երբ պետության ղեկավարն ընտրվում էր խորհրդարանում, Թուրքիայի նախագահը, Սահմանադրությունում արված ուղղումների հիման վրա, 2014թ. առաջին անգամ կընտրվի անմիջական ընտրությունների միջոցով։

Ինչպես վկայում են սոցիոլոգիական հարցումները՝ հաղթանակի ամենաշատ հնարավորություններն ունի գործող վարչապետ Ռեջեփ Թայիփ Էրդողանը։
 

http://tert.am/am/news/2012/11/06/turkey-parliament/