Քրդերը 1915թ. հայերը չեն, որ կոտորեք. քուրդ պատգամավորը՝ թուրքական իշխանությանը

Իզմիրում Խաղաղություն և ժողովրդավարություն կուսակցության (BDP) ներկայացուցիչները բողոքի ակցիա են կազմակերպել՝ աջակցություն հայտնելով Թուրքիայի տարբեր բանտերում հացադուլ անող քրդերին։

Ինչպես տեղեկացնում է Sondakika կայքը, ակցիային մասնակցել է շուրջ 1 500 մարդ։

Մուշ նահանգից ընտրված BDP-ական պատգամավոր Սըրրը Սաքըքը նույնպես մասնակցել է ակցիային։

«Խելքներդ գլուխնե՛րդ հավաքեք։ Քրդերը 1915թ.-ի հայերը չեն, որ կոտորեք»,-ասել է նա, ապա սպառնացել՝ հիշեցնելով քրդական առածը՝ «Քչից քիչ կգնա, շատից՝ շատ»։

Թուրքական բանտերում քուրդ դատապարտյալների հացադուլը շարունակվում է արդեն շուրջ 55 օր։

http://tert.am/am/news/2012/11/05/bdp/