Թուրքիայում ստեղծել են «խելացի ռումբ»

Թուրքական Sabah թերթի փոխանցմամբ՝ Թուրքիայի գիտական և տեխնոլոգիական հետազոտությունների խորհուրդը (TÜBİTAK) F-16 կործանիչների համար ստեղծել է նոր «խելացի ռումբ»: Թուրքիայի ռազմական արդյունաբերության նախարար Նիհաթ Էրգյունի խոսքերով՝ դրանով իսկ Թուրքիան դարձավ աշխարհի այն 4 երկրներից մեկը, որոնք ունակ են արտադրել «խելացի ռումբ»:

Նշվում է, որ այս «խելացի ռումբերը», արբանյակների ու հատուկ ցուցիչների օգնությամբ ստանալով թիրախի կոորդինատները, ունակ են դրանց հարվածել 25 կիլոմետր հեռավորությունից: Սովորաբար ռումբերն արձակվում են 5-6 կիլոմետր հեռավորությունից: «Խելացի ռումբի» շեղման աստիճանը կազմում է 6 մետր:

25 կիլոմետր հեռավորությունից հարվածելու հնարավորությունը F-16-ին հնարավորություն է տալիս «իր գործը վերջացնել»՝ նախքան վտանգավոր գոտի մտնելը: Թուրքիայում «խելացի ռումբերի» զանգվածային արտադրությունը սկսվելու է 2013 թվականին:

http://www.1in.am/arm/regional_turkey_129062.html