Դիարբեքիրի Սուրբ Կիրակոս եկեղեցում պատարագ է մատուցվել

Վերանորոգումից հետո նոյեմբերի 4-ին Դիարբեքիրի (Տիգրանակերտ) Սուրբ Կիրակոս եկեղեցում, որը Մերձավոր Արեւելքի ամենամեծ քրիստոնեական եկեղեցին է, 32 տարի ընդմիջումից հետո կատարվել է առաջին (երկրորդ-Ակունքի խմբ.) եկեղեցական արարողությունը: Նույն օրն այստեղ տեղի է ունեցել նաեւ առաջին պսակադրությունը: Ինչպես հաղորդում է «Արմենպրես»–ը, Սուրբ Կիրակոս եկեղեցու վերանորոգման աշխատանքներն իրագործվել են Պոլսո Հայոց պատրիարքարանի ֆինանսական աջակցությամբ: Աշխատանքներին աջակցություն եւ օժանդակություն է ցուցաբերել նաեւ Դիարբեքիրի քաղաքապետարանը:

Վերակառուցվել է եկեղեցու զանգակատունը, որը վնասվել էր 1915 թ. ռմբակոծությունից: Եկեղեցու գմբեթն ամենաբարձրն էր քաղաքում, եւ մզկիթների մինարեներից բարձր չլինելու համար մահմեդականներն ավերել են այն:

Եկեղեցու 100 կգ կշռող բրոնզե զանգը պատրաստվել է Մոսկվայում` Պոլսո Հայոց պատրիարք Մութաֆյանի (զանգը պատրաստել է տվել Պոլսո հայոց պատրիարքի տեղապահ, արքեպիսկոպոս Արամ Աթեշյանը-Ակունքի խմբ.) ջանքերով: Այն նույնությամբ կրկնում է 1915 թ. ռմբակոծության հետեւանքով վնասված զանգը: Եկեղեցին օծել է Պոլսո հայոց պատրիարքի տեղապահ, արքեպիսկոպոս Արամ Աթեշյանը, որին մասնակցել են ԱՄՆ-ից, Հայաստանից, Կանադայից ժամանած հայեր: Սուրբ Կիրակոս հայկական եկեղեցին կառուցվել է 1376 թ.:

http://armenpress.am/arm/news/698382/diarbeqiri-surb-kirakos-ekexecum-patarag–e-matucvel.html