Լսարանի կողմից մեծ հավանության արժանացած թուրքական «Երկու լեզու, մեկ ճամպրուկ» ֆիլմի ստեղծագործական խումբը Օրհան Էսիքյոյի և Օզգյուր Դողանի գլխավորությամբ նոր ֆիլմ է նկարահանել, որը օրերս հանձնվել է կինոսերների դատին: Օրհան Էսիքյոյը «Հորս ձայնը» ֆիլմի ստեղծման ժամանակ որպես ղեկավար ընտրել է Զեյնել Դողանին, ում ընտանիքի պատմության հիման վրա էլ նկարահանվել է ֆիլմը: Այս մասին գրել է թուրքական «Radikal»-ը:
«Հորս ձայնը» ֆիլմը պատմում է մի երիտասարդի մասին, ով լսելով ներկայում մոռացված ձայնասկավառակները, որը իր հայրն էր թողել, սկսում է ճանապարհորդել իմանալու համար իր հոր և արմատների մասին: Դրանով իսկ բացահայտվում են մի կողմից երիտասարդի կյանքի ներքին խորը շերտերը, իսկ մյուս կողմից` Թուրքիայի պատմության կարևոր էջերից մեկը հանդիսացող Մարաշի կոտորածի դեպքերը:
Մարաշի կոտորածը տեղի է ունեցել 1978 թվականի դեկտեմբերի 19-ին և 26-ին, որն ուղղված էր ալևիների դեմ: Երկու օր տևած կոտորածների արդյունքում 150 ալևի էր սպանվել, նրանց պատկանող 200 տուն այրվել էր, մոտ 100 աշխատատեղ` ավերվել: Համարվում է, որ այս դեպքը 1980 թվականի սեպտեմբերի 12-ին Թուրքիայում տեղի ունեցած ռազմական հեղաշրջման պատճառներից մեկը հանդիսացավ:
«Հորս ձայնը» ֆիլմը, որը նկարահանվել է գլխավոր հերոս Զեյնել Դողանի հոր թողած ձայնասկավառակների հիման վրա, «Ոսկե ընկույզ» միջազգային կինոփառատոնում արժանացել է լավագույն ֆիլմ մրցանակին:
Ankakh.com
Leave a Reply