Թուրքական զորքերը լայնածավալ գործողություն են սկսել Իրաքի սահմանին

Իրաքի հետ սահմանին՝ Թուրքիայի Հաքքարի և Շըրնաք նահանգներում,  թուրքական բանակը լայնածավալ գործողություն է սկսել։ Քրդական աշխատավորական կուսակցության (PKK) զինյալների հետ պայքարում առավոտյան ժամերին սկսված գործողությանը մասնակցում են թուրքիայի օդային և ցամաքային զորքերը։

Գործողությանը մասնակցում են բազմաթիվ հատուկջոկատայիններ, ուղղաթիռներ, ծանր տեխնիկա։ Երկու կողմից էլ կորուստների մասին դեռևս տեղեկություններ չկան։

Ըստ տարածված տեղեկատվության՝ լեռան վրա բազմաթիվ քուրդ զինյալներ են հավաքվել, ովքեր ձմռան մոտենալու պատճառով կարող են քաշվել դեպի Հյուսիսային Իրաք։

Տեղեկություններ կան այն մասին, որ թուրքական կործանիչները նաև հատել են Իրաքի սահմանը՝ քուրդ զինյալների ճամբարները ռմբակոծելու նպատակով։

http://tert.am/am/news/2012/11/02/pkk-iraq/