Փոքրամասնությունների մի շարք վաքըֆներ կարողանում են վերադարձնել իրենց անշարժ գույքերը

Թուրքիայի ազգային փոքրամասնությունների վաքըֆները դիմել են Վաքըֆների գլխավոր տնօրինությանը` 1500 անշարժ գույքերն իրենց անունով գրանցելու համար:

Այդ մասին հաղորդում է Akunq.net-ը` վկայակոչելով թուրքական «Զաման»-ը: Աղբյուրը հիշեցնում է, որ 2011 թ. Վաքըֆների մասին օրենքին ժամանակավոր կերպով հավելվել էր 11-րդ հոդվածը, որը հնարավորություն էր ընձեռել 1974 թ. հետո պետական գանձարանին փոխանցված անշարժ գույքերը տերերին վերադարձնելու համար: Դիմումների համար 1 տարի ժամանակ էր տրվել: Երբ ժամկետը լրացել էր, 100-ից ավել վաքըֆ էր դիմել` 1500 անշարժ գույք վերադարձնելու նպատակով: Վաքըֆների խորհուրդը երկու շաբաթը մեկ ժողովվում է և շարունակում քննել ստացված դիմումները: Մինչ այժմ ուսումնասիրվել է 165 դիմում, և որոշվել 69 անշարժ գույքեր վաքըֆի անվամբ գրանցել, 8 անշարժ գույքերի դիմաց վճարել, իսկ 88 անշարժ գույքերի դիմումները մերժել:

Akunq.net