Շեքհար Կապուր. Հայոց ցեղասպասնության մասին ֆիլմը մարտահրավեր նետող խնդիր է

«Մասում», «Ավազակների թագուհի» եւ «Ելիզավետա» հայտնի ֆիլմերի ռեժիսոր Շեքհար Կապուրի ստեղծագործական նոր ներշնչանքի թեման վերաբերում է Հայոց ցեղասպանությանը, եւ նա գիտի, որ դա լինելու է մարտահրավեր նետող խնդիր, գրում է  «Newstrack India» -ն:

Ըստ պարբերականի` ֆիլմը նվիրվելու է Անատոլիայում (Արևմտյան Հայաստանում-Ակունքի խմբ.) 1915–1923 թթ. հայերի ցեղասպանությանը, որի ժամանակ 1-1,5 մլն հայեր սպանվեցին:

Կապուրը վերջերս հայտնել է Հայաստան այցելելու մասին` այդ ողբերգության վերաբերյալ նյութեր հավաքելու համար:  Նա պատմել է, որ իր մոտ նման գաղափար առաջացել էր սցենարին ծանոթանալուց հետո, որը նրան ուղարկել էր «Մոտոցիկլավարի օրագիր»-ի հեղինակը` պուերտոռիկացի Խոսե Ռիվերան: «Դա համաշխարհային պատնության մաս է, թեեւ բավականին ամոթալի մաս»,-ասել է Կապուրը:

«Ես սիրահարվեցի սցենարին: Թեեւ դա մարտահրավեր նետող նախագիծ է: Սա մեծ գումարներ, կիրք եւ կազմակերպվածություն կպահանջի: Սակայն կան  իրենց մասնագիտությանը նվիրված շատ մարդիկ, ովքեր կանգնած են այդ նախագծի ետեւում: Այնպես որ` հուսանք, որ դա իրականություն կդառնա»,-ասել է նա: Սակայն Կապուրի խոսոքով`  ֆիլմի նկարահանումները կսկսվեն հաջորդ տարվանից ոչ շուտ:

Չի՞ վախենում արդյոք, որ  այդ թեմային անդրադառնալու համար կարող է գրաքննության ենթարկվել հարցին, նա պատասխանել է. «Ես բարձրագույն կաստաների ցասումն առաջացրել եմ` «Ավազակների թագուհին» ստեղծելու համար: Սակայն ես չնահանջեցի: Ես հավատում եմ այս պայքարին հանուն նրա, ինչին հավատում եմ»,-ասաց նա: «Ավելին,-ասաց նա,-տեղաշարժ է նկատվում թուրքական հանրության մեջ: Նոր սերունդը կարծում է, որ նրանց երկիրը մեծ է եւ պետք է առաջ շարժվի: Նրանք ասում են. «Ինչո՞ւ  մենք չենք կարող ընդունել այն, ինչ տեղի է ունեցել»:

«Հասարակությունը, ով չի սովորում անցյալի վրա, դատապարտված է իր սխալները կրկնելու: Ինձ համար, որպես դերասանի, պատմությունը գիտական ֆանտաստիկա է: Ես կարող եմ մի ամբողջ աշխարհ ստեղծել` իմ սեփականը»,-ասել է Կապուրը:

http://news.am/arm/news/126957.html