Թուրքիայի տարբեր բանտերում հացադուլ սկսած քրդերն արդեն 51-րդ օրն է` հրաժարվում են սննդից: Թուրքիայի գլխավոր բժշկական ընկերակցությունը նախազգուշացրել է, որ արդեն իսկ մահվան վտանգ կա. եթե հացադուլը չդադարեցվի, առաջիկա 10 օրերին արդեն կարձանագրվեն մահվան դեպքեր, հայտնում է Reuters-ը:
Խոսքը 700 քրդերի մասին է, որոնք այս կերպ Թուրքիայի իշխանություններից պահանջում են ավելի մեծ իրավունքներ շնորհել քրդերին և ավելի լավ բանտային պայմաններ՝ իրենց բանտարկված առաջնորդ Աբդուլլահ Օջալանին:
Աղբյուրը նշում է, որ նրանք վիտամիններ, ջուր և շաքար են ընդունում:
Ավելի վաղ Թուրքիայի վարչապետ Ռեջեփ Թայիփ Էրդողանը զանգվածային հացադուլը «շոու» էր անվանել:
Leave a Reply