«Թուրգութ Օզալի արտաշիրիմումը ցույց է տվել, որ նրան թունավորել են». թուրքական մամուլ

Թուրքական Bugün թերթը, վկայակոչելով Դատական փորձաքննության ինստիտուտում ունեցած իր աղբյուրին, հայտնում է, որ Թուրքիայի նախկին նախագահ (1989-1993) Թուրգութ Օզալին թունավորել են: Այդ մասին են վկայել նրա արտաշիրիմման ժամանակ վերցված հյուսվածքի նմուշների հետազոտության արդյունքները:

Փորձաքննությունն ի հայտ է բերել թունավորման նշաններ և, մասնավորապես, որոշակի քանակությամբ ուժեղ ներգործող թույն՝ ստրիխնին, ինչն էլ հանգեցրել է Օզալի մահվանը: Թուրգութ Օզալի արտաշիրիմման գործընթացն իրականացվել էր հոկտեմբերի 2-ին: Թուրքիայի դատախազությունը դեռևս սեպտեմբերի 17-ին է սկսել պատրաստվել Օզալի արտաշիրիմմանը՝ չնայած Օզալի ընտանիքը դեմ է արտահայտվել դրան:

Պաշտոնական վարկածի համաձայն՝ Օզալը մահացել է սրտի անբավարար աշխատանքի պատճառով: Մինչդեռ շատերը, այդ թվում նաև` հանգուցյալի կինը, պնդում են, որ Օզալին թունավորել են:

http://www.1in.am/arm/regional_turkey_128231.html