Բեռլինում Էրդողանին ֆաշիստ են անվանել

Բեռլինի կենտրոնում այսօր բողոքի են դուրս եկել հարուրավոր մարդիկ, ովքեր դեմ են իրենց երկիր Թուրքիայի վարչապետ Ռեջեփ Թայիփ Էրդողանի այցին:

Հիշեցնենք, որ Էրդողանը Գերմանիա է այցելել` ներկա գտնվելու Թուրքիայի ամենամեծ դեսպանատան բացման արարողությանը, ինչպես նաև կանցլեր Անգելա Մերկելի հետ բանակցություններ վարելու նպատակով:

Գերմանական լրատվամիջոցների հաղորդմամբ, ակցիային մասնակցել է ավելի քան 3 հազար մարդ, ոստիկանությունը հաշվել է 2.5 հազար:

Բողոքի դուրս եկած մարդիկ Էրդողանին մեղադրում են Թուրքիայում ժողովրդավարությունը սպանելու, խոսքի ազատության ու քաղաքացիների այլ իրավունքների նկատմամբ ճնշումներ իրականացնելու մեջ: Նրանցից ոմանք նույնիսկ Էրդողանին ֆաշիստ են որակել, մեղադրել են թուրքերի` Գերմանիա արտագաղթելու մեջ:

http://www.panorama.am/am/politics/2012/10/31/erdogan-germany/