«Թուրան»-ը լռում է» արդյոք Մորնինգսթարը, խոստման համաձայն, Նախիջեւանում կայցելի Ջուղայի հայկական գերեզմանոց

Ադրբեջանում ԱՄՆ դեսպան Ռիչարդ Մորնինգսթարը տիկնոջ հետ հոկտեմբերի 31-ին ժամանել է Նախիջեւան: Ինչպես հաղորդում է «Արմենպրես»–ը` վկայակոչելով ադրբեջանական «Թուրան» լրատվական գործակալությունը, ԱՄՆ դեսպանը Նախիջեւանում այցելել է ոչ կառավարական կազմակերպությունների եւ ժողովրդավարության աջակցության ռեսուրսային Կենտրոն, որտեղ տեղակայված է նաեւ IREX-ի եւ USIAD-ի կողմից օժանդակվող` համայնքների աջակցության կենտրոնը:

Ադրբեջանում ԱՄՆ դեսպան նշանակվելու հարցը Կոնգրեսում քննարկվելու ժամանակ Մորնինգսթարը կոնգրեսականներին խոստացել էր «անձամբ» այցելել Հին Ջուղայի հայկական գերեզմանոց, որտեղ ադրբեջանցիները ոչնչացրել են համաշխարհային արժեք ունեցող հայկական հնադարյան խաչքարերը: Այժմ Մորնինգսթարը կկատարի՞ խոստումը, թե ոչ: Այս մասին «Թուրան»-ը լռում է:

http://armenpress.am/arm/news/698034/turan-y-lrum-e-ardyoq-morningstary-khostman-hamadzayn.html