Հայ դատի հանձնախումբը Իսպանիայի կառավարությանն ու խորհրդարանին հորդորում է միասնական աշխատել Ցեղասպանության ճանաչման համար

Իսպանիայի Հայ դատի հանձնախումբը Հայոց ցեղասպանության շրջանակներում գիտաժողով է կազմակերպել Սան Սեբաստիայում: Այս մասին «Արմենպրես»-ին տեղեկացրին Իսպանիայի Հայ դատի հանձնախմբից: Պատմաբան Նիկոլա դե Միգելի հետ համագործակցությամբ կազմակերպված գիտաժողովի ընթացքում խոսվել է Հայոց ցեղասպանության պատմության եւ դրա հետեւանքների մասին:

Իսպանիայի Հայ դատի հանձնախումբը գիտաժողովն անցկացրել է Հայ դատը իսպանացի ժողովրդին ներկայացնելու, նրանց հարցի մասին տեղեկացնելու նպատակով: Գիտաժողովի մասնակիցները հորդորում են Իսպանիայի կառավարությանը եւ խորհրդարանի տարբեր խմբերին` միասնական աշխատանքներ տանելու Հայոց ցեղասպանության ճանաչման հարցում:   

http://armenpress.am/arm/news/692971/hay-dati-handznakhumby-ispaniayi-karavarutyann-u-khorhrdaranin.html