Թուրք մահմեդականները Էրդողանից պահանջում են Սուրբ Սոֆիան վերածել մզկիթի

Թուրք մահմեդականները Թուրքիայի իսլամիստական հայացքներով վարչապետ Ռեջեփ Թայիփ Էրդողանից պահանջում են Կոնստանդնուպոլսի Սուրբ Սոֆիա քրիստոնեական տաճարը կրկին վերածել մզկիթի:

Ինչպես հաղորդում է «Արմենպրես»–ը` վկայակոչելով թուրքական TRT հեռուստաալիքը, մի խումբ մահմեդական թուրքեր ներկայում որպես թանգարան ծառայող քրիստոնեական տաճարի առջեւ Կոնստանդնուպոլսի` թուրքական հրոսակախմբերի կողմից զավթման 559-րդ տարեդարձի կապակացությամբ առավոտյան նամազ են կազմակերպել եւ լրագրողներին հայտարարել, որ այն պետք է վերածվի մզկիթի, ինչպես դա ժամանակ առաջ արել է Ֆեթիհ սուլթանը:

Թուրքերը Արեւմտյան Հայաստանի եւ Թուրքիայի այլ շրջաններում բազմաթիվ հայկական եկեղեցիներ վերածել են մզկիթների: Նրանց համար այլ ազգերի սրբություններն իրենցը դարձնելը սովորական երեւույթ է:

http://armenpress.am/arm/news/692842/turq-mahmedakannery-erdoxanic–pahanjum-en-surb-sofian.html