Առաջին անգամ Թուրքիայից Ռուսաստան է ժամանում համշենցիների (իսլամացած հայեր են) հայտնի VOVA (բարբառային «ով է») համույթը: Խումբը երգում է հայկական ամենահին բարբառներից մեկով: VOVA-ն առաջին համշենցիների համույթն էր, որն սկսեց քարոզել իրենց հարազատ մշակույթն ու երաժշտական ավանդույթները ողջ Թուրքիայի տարածքում:
Համշենահայերի ասոցիացիայից NEWS.am-ին հայտնել են, որ ծրագրին կմասնակցեն նաեւ հայտնի հասարակական գործիչներ, հայտնի թուրքահայեր ու ռուսահայեր, կատարողներ հարավային Ռուսաստանից ու Աբխազիայից:
«Այս միջոցառման նպատակն է վերականգնել ու ամրապնդել կորսված կապերը մեր ժողովրդի հետ, ում հետ ճակատագիրը բաժանել է շուրջ 500 տարի առաջ: Մեր խնդիրն է Մոսկվայի հայերին ցույց տալ, որ կյանքն Արեւմտյան Հայաստանում շարունակվում է, եւ դա շարունակում են հենց այն մարդիկ, ովքեր մեր հրավերով համաձայնել են ժամանել այստեղ ու ելույթ ունենալ»,-ասված է Համշենահայերի ասոցիացիայի տարածած հաղորդագրության մեջ:
Համերգն ամբողջությամբ բարեգործական բնույթ է կրում: Ստացված միջոցները կուղղվեն Աբխազիայի հայկական դպրոցների աջակցությանը, որոնք 1990-ականների պատերազմի ժամանակվանից գտնվում են անմխիթար վիճակում:
http://news.am/arm/news/106658.html
Leave a Reply