Օրեր առաջ Դիարբեքիր-Մուշ ավտոճանապարհին քուրդ զինյալների կողմից առեւանգված Արդարություն եւ զարգացում կուսակցության Քուլփի շրջանային կառույցի ղեկավար Վեյսել Չելիքին հայտնաբերելու համար թուրքական զինված ուժերն ու ոստիկանության հատուկ նշանակության ուժերը ռազմական ուղղաթիռների աջակցությաբ լայնածավալ գործողություններ են իրականացնում Մուշի լեռներում:
Թուրքական Radikal-ի փոխանցմամբ՝ մայիսի 21-ին Մուշի եւ Դիարբեքիրի միջեւ ընկած լեռներում թուրքական զինված ուժերի եւ ոստիկանության ստորաբաժանումները որոնողական գործողությունների ժամանակ բախվել են մի խումբ քուրդ զինյալների հետ:
Սկսված փոխհրաձգության ընթացքում 1 թուրք ոստիկան է սպանվել։ Բախման հետեւանքով վիրավորված 4 ոստիկան տեղափոխվել են հիվանդանոց։
Leave a Reply