Քոջաելիի քաղաքապետարանի կողմից կազմակերպված Քոջաելիի գրքի 4-րդ ցուցահանդես-տոնավաճառին հյուրընկալված թուրք գրող և բեմադրիչ Բանու Ավարը հայտնել է, թե «իմպերիալիստական պետությունները Իզմիթը փորձատարածք են ընտրել միսիոներական գործունեության շրջանակներում»: Թուրքական haberler.com լրատվական կայքի փոխանցմամբ` Ավարը, Իզմիթին նախազգուշացնելով, մասնավորապես ասել է. «Թուրքիայում 54 հազարից ավելի բողոքական տուն-եկեղեցիներ կան: Դրանց մեծ մասը գտնվում է Իզմիթում, որը այս հարցում որպես փորձտարածք է ընտրվել: Ողբերգություն են տարածում: Ձգտում են բոլորիս բողոքական դարձնել: Այն, ինչ երեկ եղել է այս հողերում, ըստ էության նույնն էլ կատարվում է նաև այսօր: Մենք այս գործը մեկ անգամ հաջողացրել ենք (ի նկատի ունի ազգայնական շարժման ժամանակ Թուրքիայի մասնատման դեմ մղված պայքարը-Ակունքի խմբ.): Քանզի դա պատահել է մեզ հետ: Ամեն բան գրանցված է մեր գենետիկ հիշողության մեջ: Թուրքիայում նախաձեռնող ազգային ոգի կա: Հենց դա էլ ուզում են վերացնել: Խնդրում եմ` ընթերցեք Աթաթուրքի «Ելույթը»: Այդ ժամանակ, ինչպես հարկն է, կկազմեք Ձեր այսօրվա ճանապարհային քարտեզը: Հատկապես ուշադրություն դարձնենք հեռուստատեսությամբ մեզ մատուցվող աղբին և կրթական համակարգին: Գիտակցենք, որ դրանց միջոցով լուրջ նպատակներ են հետապնդվում: Չսպասենք, թե որևէ առաջնորդ կգա և մեզ կփրկի: Դա էլ է քրիստոնեական և հրեական ֆանտազիա: Թույլ մի’ տվեք, որ ձեր ոգին կոտրեն»:
Akunq.net
Leave a Reply