Վանը վերածվել է կոնտեյներային քաղաքի

Վանում 2011-ի հոկտեմբերի 23-ին տեղի ունեցած 7,2 բալ ուժգնությամբ եւ նոյեմբերի 9-ին տեղի ունեցած 5,6 բալ ուժգնությամբ երկրաշարժերից հետո թուրքական ԶԼՄ-երը քաղաքը նմանեցրել են ատոմային ռումբի հարվածից հետո ճապոնական Հիրոսիմային:

Ինչպես հաղորդում է «Արմենպրես»–ը, ավերիչ երկրաշարժից 200 օր անցնելուց հետո քաղաքի վիճակին կատարած անդրադարձում CNNTurk հեռուստաալիքը նշում է, որ Վանում բնակֆոնդի 90 տոկոսի վերանալուց հետո բնակչության մեծամասնությունը հեռացել է: Օտարերկրյա օգնության շնորհիվ երկրաշարժից անմիջապես հետո քաղաքում 25 հազար մարդու համար նախատեսված 7400 վրաններ են տեղադրվել: Փետրվարին բոլոր վրանները հավաքվել եւ նրանց փոխարեն 35 կոնտեյներ-քաղաքներ են ստեղծվել, որտեղ կարող է 175 հազար մարդ տեղավորվել: Սակայն, Վանում հաճախակի կրկնվող հետցնցումների պատճառով քաղաքի բնակչությունը չի ցանկանում վերադառնալ: Թուրք երկրաշարժագետները կանխատեսում են, որ Վանում երկրաշարժի հետցնցումները կշարունակվեն մինչեւ հուլիսի սկիզբը:

http://armenpress.am/arm/news/692108/vany-veratsvel-e-konteynerayin-qaxaqi.html