Վրաստանի ադրբեջանցի պատգամավորը հայից ներողություն է խնդրել

Ապրիլի 24-ին` Մեծ եղեռնի անմեղ զոհերի հիշատակի օրը, Վրաստանի խորհրդարանում տեղի ունեցած միջադեպին անդրադարձան ոչ միայն տեղի լրատվամիջոցները, այլև` արտերեկրի:

Նախօրեին հայազգի մի խումբ ակտիվ երիտասադներ դիմել էին Վրասատանի ընդդիմադիր պատգամավոր Ջոնդի Բաղաթուրիային, որպեսզի Ազգային ժողովի ամբիոնից բարձրաձայնի Հայոց ցեղասպանության ճանաչման հարցի մասին: Հայազգի պատգամավոր Արմեն Բայանդուրյանը HayNews.am-ի հետ զրույցում դեպքի մասին պատմեց ավելի մանրամասնորեն:

«Բաղաթուրիան ամբոնից հայտարարեց, որ իրեն մոտեցել են մի խումբ հայ երիտասարդներ ու առաջարկել, որպեսզի Վրաց խորհրդարանը բարձրաձայնի Հայոց ցեղասպանության ճանաչման հարցը՝ միևնույն ժամանակ հայտարարելով, որ ինքը չի ասում, որ չպետք է ընդունել Չերքեզիայի ցեղասպանությունը, քանի որ մի օր կգա, և հայերը նույնպես կպահանջեն ընդունել Հայոց ցեղասպանությունը: Ադրբեջանցի պատգամավորը, լսելով ցեղասպանություն բառը, գրիչը շպրտել է Բաղաթուրիայի վրա, վերջինս էլ ադրբեջանցի պատգամավորի վրա բաժակ շպրտեց, որից հետո ադրբեջացի պատգամավորը խոսք խնդրեց ԱԺ նախագահից»,- պատմեց Արմեն Բայանդուրյանը:

Այս միջադեպից հետո ես երեք անգամ փորձեցի խոսքի իրավունք խնդրել նիստ նախագահողից, սակայն այդ հնարավորությունը ինձ չընձեռվեց, իսկ խոսափողներն էլ անջատված էին: Այդ ժամանակ ես ամբողջ ձայնով դահլիճով մեկ գոռացի. «Ոչ միայն դու, այլև բոլորը գիտեն, որ եղել է Եղեռն, ու կգա ժամանակը, որ Վրաստանի խորհրդարանը կընդունի հայոց Ցեղասպանությունը»:

Հայազգի պատգամավորը մեզ հետ զրույցում նշեց, որ մի փոքր վիրավորված է Վրաստանի խորհրդարանի խոսնակից, քանի որ իր ելույթը տևելու էր ընդամենը 15 վայրկյան, իսկ Վրասատանի խորհրդարանի խոսնակ Դավիթ Բաքրաձեն ձայնի իրավունք չի ընձեռել` պատճառաբանելով. «Այստեղ ազգամիջյան հարցեր կբարձանան, և պետք չէ իրավիճակը սրել»:

Պատագամավորը նշեց նաև, որ հաջորդ օրը ադրբեջանցի պատգամավորը ներողություն է խնդրել նրանից ասելով` «Ինձ էլ հասկացեք»։

Արմեն Բայանդուրյանի դիտարկմամբ՝ Վրաստանը այսօր լավ փոխհարաբերությունների մեջ է Թուրքիայի ու Ադրբեջանի հետ, ինչպես Հայաստանը` Ռուսաստանի, դժվար թե այս փուլում Ցեղասպանության ճանաչման գործընթացը հնարավոր լինի իրականացնել:

http://www.haynews.am/hy/1337006828