Սկանդալ Թուրքիայի խորհրդարանում. պատգամավորը հրապարակավ ճանաչել է Հայոց ցեղասպանությունը

«1915թ. մեծ կոտորած է տեղի ունեցել, և այն բոլոր լեզուներով կոչում են «ցեղասպանություն»,-հայտարարել է Թուրքիայի խորհրդարանի պատգամավոր, Խաղաղություն և ժողովրդավարություն կուսակցության անդամ Սըրրը Սուրեյա Օնդերը: 

Թուրք պատգամավորը, ըստ Radikal-ի, հայտարարել է, որ ապրիլի 24-ին մասնակցել է Հայոց ցեղասպանության զոհերի ոգեկոչման միջոցառմանը: Նա նաև քննադատել է նրանց, ովքեր ասում են, թե թուրքերի նախնիները նման բան չեն արել: Ըստ թուրք պատգամավորի` նման տառապանքները ոչնչով չես հատուցի, խոսքը գնում է մարդկության դեմ ոճրագործության մասին, որը ոչ մի գումարով չես հատուցի:

Օնդերը մեղադրել է իրավիճակը սեփական շահերից ելնելով օգտագործող ուժերին և առաջարկել է խոստովանել իրողությունն ու կիսել հայերի ցավը: Օնդերը նաև նշել է, որ «Ժողովրդական դեմոկրատական կոնգրեսի» պատգամավորների հետ մտադիր է առաջարկել Թուրքիայի խորհրդարանին` ապրիլի 24-ը հայտարարել հայ ժողովրդի ցավն ու վիշտը կիսելու օր:

http://news.armeniatv.com/post/id/90372/#.T7KWrdOGang.facebook