Վանի Աղթամար կղզում կշարունակվի բարեկարգումը

Թուրքական իշխանությունները որոշել են Վանի Աղթամար կղզում շարունակել բարեկարգումն ու լուսավորության ցանցի ընդլայնումը։

Ինչպես տեղեկացնում է թուրքական Zaman-ը, Աղթամար կղզու բարեկարգման ծրագրով Սուրբ Խաչ եկեղեցու շրջակայքից բացի կբարեկարգվի եւ կլուսավորվի ամբողջ կղզին։  Նախագիծը կիրականացվի առաջիկա ամիսների ընթացքում։ Բարեկարգման աշխատանքների ժամանակ կղզին կշարունակի ընդունել այցելուներ։

Նշենք, որ 2010-ին Արեւելյան Անատոլիայի զարգացման գործակալության կողմից իրականացված նախագծով, Աղթամար կղզում տեղադրված արեւային մարտկոցների շնորհիվ գիշերները լուսավորվում է միայն Սուրբ Խաչ եկեղեցին։

http://news.am/arm/news/105371.html