«Հայաստան: Քրիստոնեության մոռացված օրրան».The Washington Times

The Washington Times թերթում Ռութ Հիլը գրում է Հայաստանի և քրիստոնեության մասին:

Հիլը իր հոդվածում Հայաստանը նկարագրում է որպես քրիստոնեության մոռացված օրրան:

Հոդվածագիրը իր հոդվածը սկսում է Գեղարդ վանական համալիրի նկարագրությամբ:

«Գեղարդ վանական համալիրի հիմքերը պահում են վանական բնակատեղիները և մի քանի փոքր եկեղեցիներ, որոնք փորվել են շրջակա ժայռերի մեջ 11 րդ դարում»,-գրում է հեղինակը:

Հեղինակը պատմում է նաև վանական համալիրի կառուցման պատմությունը` նշելով, որ այն կառուցվել է 4-րդ դարում, սակայն 9-րդ դարում արաբները ոչնչացրել են առաջին անկլավը: Բայց համալիրը ծաղկում է ապրել 13-րդ դարում, երբ այստեղ էր գտնվում այն գեղարդը, որով վիրավորվել էր խաչված Քրիստոսը:

Հեղինակը գրում է, որ «Հայաստանի ունեցած ներդրումը քրիստոնեության զարգացման մեջ ավելին է, քան հնագույն եկեղեցիները գեղեցիկ վայրերում»:

«Այս երկիրը, որը գտնվում է Թուրքիայի արևմուտքում, Արևելյան Եվրոպայի և Արևմտյան Ասիայի միջև, առաջինն էր, որը ընդունեց Քրիստոնեությունը Ք.Ա. 301 թվականին` մի քանի տարի առաջ նախքան այն ընդունվեց Հռոմեական կայսրությունում: Չնայած այժմ այն ավելի հայտնի է իր Ցեղասպանությունով, որը տեղի է ունեցել 20-րդ դարի սկզբում, և ոչ թե քրիստոնեության զարգացման գործում իր ունեցած դերով»:

Հեղինակը նշում է. «Քանի որ աշխարհը պատրաստվում է 2013 թվականին նշել Քրիստոնեության 1700 ամյակը, Հայաստանը ուշադրության կարիք ունի և պետք է մեծ թվով այցելուներ այցելեն:

Հեղինակը կարծիք է հայտնում նաև, որ Հայաստանը պետք է ընդգրկվի «Սուրբ վայրերի» ցուցակում:

Հեղինակը նշում է, որ զբոսաշրջիկներին Հայաստանում գրավում են մարդկանց հավատի ամրության մասին պատմությունները, ամուր պատերը, կամարները ինչպիսին է Գեղարդ վանական համալիրում, ինչպես նաև Արարարտ լեռան գեղատեսիլ տեսքը:

http://haynews.am/hy/1336719248