Թուրքիայի Արդվին նահանգի Հոպայի շրջանի դպրոցներից մեկում աշակերտներին հատուկ ծրագրի շրջանակներում մատչելի գներով գրքեր են բաժանել, որոնց մեջ է եղել նաեւ պոռնոգրաֆիկ բնույթի անեկդոտներով մի գիրք։
Թուրքական Posta-ի փոխանցմամբ՝ աշակերտների ծնողները գրքերն ստանալուց օրեր անց նկատել են, որ գրքում սեռական բնույթի անեկդոտներ են եւ բողոքով դիմել են Արդվինի նահանգապետարան։ Ծնողներից Մուսթաֆա Շիշմանը նշել է, թե հետաքրքրության համար վերցրել է երեխայի գիրքը եւ սկսել կարդալ։ «Մի քանիսը կարդացի, զգացի, որ էրոտիկ բնույթի էին։ Շարունակեցի կարդալ եւ հանդիպեցի արդեն պոռնոգրաֆիկ բնույթ անեկդոտների։ Սա խայտառակություն է։ Հոպայի հանդեպ ամոթալի արարք է կատարվել»,-ասել է ծնողներից մեկը։
Արդվինի նահանգապետի հրամանով գրքերն անմիջապես հավաքվել են աշակերտներից, իսկ դպրոցում նման գրքերի բաժանման փաստի առթիվ հետաքննություն է սկսվել։
Leave a Reply