Թուրքիայի ամենահայտնի հայ երաժիշտներից Ռուհի Սուն կդառնար 100 տարեկան

Թուրքիայում մեծ ժողովրդականություն վայելող հայազգի երաժիշտը, սազի անկրկնելի վարպետը ծնվել էր Վանում, 1912 թ., հայկական ընտանիքում:

Վերապրել էր Հայոց ցեղասպանությունը, կորցրել ծնողերին, սակայն կարողացել էր փրկվել. նրան Վանից տարել էին և հանձնել Ադանայի մուսուլման մի ընտանիքի: Ճակատագիրը, սակայն, նրա համար նախապատրաստել էր հաջող երաժշտի և երգահանի ապագա:

Ռուհի Սուի բարդ մանկությունը վերափոխվեց բարդ ծերության: Թուրքիայի 1980 թ. ռազմական հեղաշրջումից հետո նրա նկատմամբ հալածանքներ սկսվեցին ձախակողմյան հայացքների և հնարավոր է` հայ լինելու համար. իշխանությունները նրան թույլ չտվեցին լքել Թուրքիայի տարածքը, որպեսզի համապատասխան բուժում ստանա: Այդ ամենի հետևանքով 1985 թ. տաղանդավոր հայ երաժիշտը հեռացավ կյանքից:

Մահից հետո էլ նրան հանգիստ չթողեցին. 2009 թ. նրա գերեզմանը, որը գտնվում է Ստամբուլում, հարձակման ենթարկվեց անհայտ վանդալների կողմից: Դժվար չէ պատկերացնել, որ հարձակման պատճառը կարող էր լինել նրա ազգային պատկանելությունը:

http://haynews.am/hy/ruhisu