Թուրքիան պատրաստ է առերեսվել պատմության հետ, եթե ապացուցվի Ցեղասպանությունը. Էրդողան

Պաշտոնական այցով Սլովենիայում գտնվող Թուրքիայի վարչապետ Ռեջեփ Թայիփ Էրդողանն անդրադարձել է Հայոց ցեղասպանության խնդրին եւ Թուրքիայի՝ Եվրամիության անդամակցությանը։

Թուրքական Haberturk-ի փոխանցմամբ՝ Թուրքիայի վարչապետը պնդել է, թե Հայկական հարցի խնդրի հետ կապված Թուրքիան բացել է արխիվները։ «Եթե Հայաստանի ձեռքին կան փաստաթղթեր, թող հայտարարեն։ Եթե ուսումնասիրությունների արդյունքում անհրաժեշտ լինի, որ մենք առերեսվենք մեր պատմության հետ, մենք պատրաստ ենք դրան»,-ասել է Էրդողանը։

Անդրադառնալով այն խոսակցություններին, թե մինչեւ Հայկական հարցը չլուծվի, Թուրքիան չի կարող անդամակցել ԵՄ-ին, Էրդողանը պատասխանել է, թե կարծում է, որ այն չի համապատասխանում իրականությանը։

http://news.am/arm/news/104555.html