Թուրքիայի ներքին գործերի նախարար Իդրիս Նայիմ Շահինը, ով մինչեւ վերջ խոչընդոտել է Հրանտ Դինքի սպանության գործում հիշատակվող ոստիկաններին հարցաքննելու եւ դատական գործում նրանց ներառելու փաստաբանների պահաջներին, հայտարարել է, որ Դինքի դեմ մահափորձ կազմակերպվելու մասին նախապես տեղյակ 9 ոստիկաններից 5-ի նկատմամբ ամսական աշխատավարձը «կտրելու», 3-ի նկատմամբ «դատապարտելու» եւ մեկին էլ «զգուշացնելու» պատիժներ է սահմանել: Այս մասին, ինչպես հաղորդում է «Արմենպրես»–ը, հայտնում է թուրքական «Թարաֆ» թերթը:
Թուրք նախարարն այդ մասին հայտնել է ընդդիմադիր Ժողովրդահանրապետական կուսակցության պատգամավոր Թուրգութ Դիբեքի հարցապնդմանը տված գրավոր պատասխանում: Նա նշել է, որ Հրանտ Դինքի սպանության գործով անցնող հանցավորների ցուցմունքների հիման վրա ձեռք բերված բոլոր փաստաթղթերը հետաքննության գործի մեջ ներառելու համար ուղարկվել է գլխավոր դատախազություն:
Leave a Reply