ԱՄՆ-ի դատարանը մերժել է Ամերիկայի թուրքական կոալիցիայի հայցն` ընդդեմ Հայոց ցեղասպանության մասին հրապարակումների

ԱՄՆ–ի վերաքննիչ դատարանը մայիսի 3-ին Ամերիկայի թուրքական կոալիցիայի գործով վճիռ է կայացրել հօգուտ Մինեսոտայի համալսարանի:

Գործի հայցվորը` Ամերիկայի թուրքական կոալիցիան, հայտարարել էր, որ համալսարանը խախտել է սահմանադրական իրավունքը` իր կայքն անվանելով Հայոց ցեղասպանության մասին գրականության անվստահելի աղբյուր ուսանողների համար:

Վերաքննիչ դատարանը նաեւ սահմանել է, որ կոալիցիայի պնդումները կայքի զրպարտողական հայտարարության վերաբերյալ անհիմն են, ասվում է  Մինեսոտայի համալսարանի կայքի հաղորդագրությունում: Նաեւ նշվում է, որ գործի ընթացքին ակնդետ հետեւել են ԱՄՆ-ի եւ ամբողջ աշխարհի գիտնականները, քանի որ արդյունքները շատ կարեւոր են ակադեմիական ազատության տեսանկյունից:

Հիշեցնենք` նախորդ տարվա դեկտեմբերին ԱՄՆ-ի  թուրքական կոալիցիան Մինեսոտայի համալսարանին դատի էր տվել այն բանից հետո, երբ «Հոլոքոստի եւ Ցեղասպանության ուսումնասիրության կենտրոնն» իր կայքում ուսանողներին զգուշացրել էր, որ ցեղասպանության թեմայով որոշ տեքստեր անվստահելի են եւ զրպարտություն են բովանդակում, այդ թվում` Ամերիկայի թուրքական կոալիցիայի կայքը:

http://news.am/arm/news/104214.html