Շահեց Թուրքիան, շահեց Սարկոզին … սակայն Հայ Դատն էլ ոչինչ չկորցրեց

Վերջին տեղեկություներով նախագահ Սարկոզին կառավարությանը հանձնարարել է օրենքի նոր նախագիծ պատրաստել:

Բայց սա այլ թեմա է, իսկ այժմ սթափ դատենք կատարվածի մասին: Ֆրանսիայի Սահմանադրական դատարանը փետրվարի 28-ին հակասահմանադրական համարեց Ֆրանսիայի խորհրդարանի և Սեանտի կողմից ընդունած Հայոց ցեղասպանության մերժումը քրեականցնող օրենքը:

Եթե որևէ մեկը կարծում է, որ Սահմանդրական դատարանի որոշումից հետո Թուրքիայում ժխտողականությունն ակտիվանալու է, սխալվում է: Նման հարցերը իրավական հարթության վրա չեն լուծվում: Քաղաքականության մեջ էլ պատահական որոշումներ չեն հայտնվում:

 Հայաստանյան քաղաքական մտքի թերությունն այն է , որ մշտապես մոռանում են, որ Հայոց Ցեղասպանության հարցը քաղաքական շահարկման հզոր գործիք է, և Ֆրանսիայի Սահմանադրական դատարանի որոշմանն այդպես էլ պետք է վերաբերվել: Թուրքիան շահեց այնքանով, որ Ֆրանսիայում Հայոց ցեղասպանության մերժումն առայժմ քրեորեն չի պատժվելու և այդ երկիրը կարողացավ պահպանել իր դեմքը գոնե այս դրվագում, քանի որ չկարողացան պարտադրել մի բան, որն այսօր ինքը պատրաստ չէ ընդունել:

Թուրքիայի հիմնական խնդիրը թուրք ինքնության գաղափարախոսության պահպանումն է, իսկ Հայոց ցեղասպանության ճանաչումն այդ գաղափարախոսության գերեզմանափորն է:

 Սակայն կորցրեց այնքանով, որ Եվրոպայի հասարակական կարծիքը ամիսներ շարունակ քննարկում էր Հայոց ցեղասպանության հարցը, իսկ Ֆրանսիայի խորհրդարանը, Սենատը և հասարակության ճնշող մեծամասնությունը դատապարտելի են համարում ցեղասպանության ժխտումը: Եթե որևէ մեկը մտածում է , որ Եվրոպան թուրքերին «ձրի» որևէ բան կարող է մատուցել, ապա սխալվում է: Թուրքիան «վճարել և դեռ վճարելու» այդ որոշման դիմաց: Շահեց նաև Սարկոզին, քանի որ իր խոսքին հավատարիմ եղավ և խորհրդարանն ու Սենատն ընդունեցին Հայոց ցեղասպանության վերաբերող օրենքը: Իսկ Սահմանադրական դատարանը ձևականորեն կախում չունի նախագահից: Այժմ էլ նա պատրաստվում է նոր օրինագիծ մտցնել Սենատ:

 Հայ Դատն էլ ոչինչ չկորցրեց, քանի որ պայքարը շարունակական է, և վեց ամիս շարունակ եվրոպական և թուրքական թերթերի հիմնական նյութը եղել է 1915-ի Հայոց ցեղասպանության թեման:Եվ հետո` Ֆրանսիայի Սահմանադրական դատարանը թույլ չտվեց քրեականացնել ցեղասպանության ժխտումը, սակայն սա չի նշանակում, որ այդ երկրում և Եվրամիության տարածքում թուրքերը կարող են ազատորեն ժխտել ցեղասպանության փաստը: Արդեն կա հստակ ձևավորված կարծիք ցեղասպանության ժխտողների վերաբերյալ: Թուրքական ժխտողական «հաստ պատը» մի քանի հարվածներով չես կարող փշրել:

Իսկ Սարկոզին համառելու է: 

http://www.armweeklynews.am/awn/f12/am_1125.htm