Փետրվարի 26-ին Ստամբուլի Թաքսիմ հրապարակում և Թուրքիայի այլ հինգ քաղաքներում հանրավաքները բավականին «թանկ հաճույք» և գլխացավանք դարձան Ալիևի համար: Ադրբեջանցիներն արդեն հասկացել են, որ այդ հանրահավաքը ոչ միայն չծառայեց իր նպատականերին, այլև լրացուցիչ խնդիրներ առաջացրեց:
Բանն այն է, որ թուրք ֆաշիստներն օգտագործեցին Ալիևի այդ գործում ներդրած միջոցները և Խոջալուի «զոհերի» հիշատակի երթի փոխարեն թուրքական ֆաշիզմի երթ կազմակերպեցին` առաջացնելով միջազգային հանրության և թուրք առաջադեմ հասարակության դժգոհությունը: Ինչպես տեղեկացնում է թուրքական «Թարաֆ» պարբերականը, Սոցիալիստ ադրբեջանցիների հարթակի անդամ Ռըֆաթ Աբբասզադեն հայտարարել է, որ Խոջալուի դեպքերի հանրահավաքը թուրք ազգայնականները վերածեցին ֆաշիստական ցույցի: Թարաֆ պարբերականը տեղեկացնում է նաև, որ Ալիևի վարչակազմը փետրվարի 26-ի միջոցառումների վրա ծախսել է շուրջ 2 մլն դոլար:
Այժմ թուրք հասարակական գործիչները կարող են մեղադրել Ադրբեջանի նախագահին, որ նա ֆինանսավորել է թուրք ֆաշիստներին` հրապարակային գործունեություն իրականացնելու նպատակով: Հավելենք, որ թուրքական մամուլն այսօր մոռացության է մատնել, թե ինչ նպատակով պետք է հավաքվեին ցուցարարները փետրվարի 26-ին Թաքսիմ հրախպարակում և անդրադառնում է միայն ֆաշիստների հակահայկական, հակաժողովրդական և ատելություն սերմանող ցուցապաստառներին ու հայտարարություններին:
Փաստորեն, Խոջալուի դեպքերն ու Ալիևի 2 մլն դոլարն օգտագործելով` Թուրքիայի ֆաշիստները նորից գլուխ բարձրացրին:
http://www.armweeklynews.am/awn/lr/lr_57.htm
Leave a Reply