Թուրքիայի Էրզրում քաղաքում ոստիկանության կողմից կազմակերպված մի համաժողովի ժամանակ մասնակիցներից մեկի հայտարարությունը շոկի մեջ է գցել ներկաներին։
Թուրքական Hurriyet-ի փոխանցմամբ՝ Էրզրումի դպրոցներից մեկի տնօրեն Մուսթաֆա Այդընը խոսել է երեխաների կողմից իրականացվող վատ արարքների մասին՝ դրանց կանխարգելման համար առաջարկելով լուծման տարբերակ։ «Կարող է մի քիչ աննորմալ թվալ, սակայն ես սա եմ առաջարկում. ոստիկանությունը թող հանցագործներից արյուն վերցնի, կազմի գեների քարտեզ, եւ երբ երեխա ծնվի, նրանից անալիզ վերցնեն, ու եթե պարզվի, որ երեխան վնաս է հայրենիքին, մինչեւ քայլելը թող վերացնեն նրան»,-ասել է դպրոցի տնօրենը։
Leave a Reply