Չանաքքալեի Առևտրի և արդյունաբերության պալատի կողմից կազմակերպված քննարկմանը մասնակցած Չանաքքալեի «Մարտի տասնութ» համալսարանի (Onsekiz Mart Üniversitesi /ÇOMÜ/) ռեկտոր Սեդաթ Լաչիները հետևյալն է նշել այն հին հայկական եկեղեցու վերաբերյալ, որը ներկայում նշյալ համալսարանի Գեղարվեստի ֆակուլտետում օգտագործվում է որպես փորձերի սրահ. «Եկեղեցին պետք է որպես եկեղեցի օգտագործվի: Մենք հպարտ ենք, որ մեր համալսարանը եկեղեցի է»:
«Դողան» լրատվական գործակալության փոխանցմամբ` Լաչիները, հիշյալ եկեղեցու վերաբերյալ հնչած հարցին ի պատասխան ասելով, թե Գեղարվեստի ֆակուլտետի շենքի` եկեղեցի լինելու պատճառով իրենք հետագայում մեկ այլ վայր են տեղափոխելու այն, հավելել է. «Ըստ իս` պատմական հուշարձանի պահպանման ամենալավ միջոցը դրա օգտագործումն է: Այն պատմական հուշարձանները, որոնք չեն օգտագործվում, անհետ կորչում են: Եկեղեցին պետք է որպես եկեղեցի օգտագործվի: Մենք հպարտ ենք, որ մեր համալսարանը եկեղեցի է: Չանաքքալեն ոչ մի եկեղեցի չունի: Սակայն այս պահին մեր հնարավորությունները սահմանափակ են»:
17.02.2012
Akunq.net
Leave a Reply