Բյուրոկրատները մեծ դժվարություններ են հարուցել Պոլսո Գալֆայան հայկական վաքըֆի համար

Երբ Գալֆայան հայկական մասնավոր նախակրթարանի` Հալըջըօղլուում գտնվող շենքը ճանապարհային շինարարության պատճառով բռնագրավվել էր պետության կողմից, դպրոցը 1971 թ. տեղափոխվել էր Պոլսո Սկյուտար շրջանի Ալթունիզադե թաղամասում գտնվող շենքը:

2000 թ., երբ աշակերտների թիվը նվազել է, դպրոցը, Սեմերջիյան մասնավոր դպրոցին կցվելով, փոխադրվել է Յենի Մահալլե, իսկ դպրոցի շենքը 12 տարի դատարկ է մնացել: http://www.eurovizyon.co.uk կայքի փոխանցմամբ` Գալֆայան վաըքֆը դիմել է Ազգային կրթության ստամբուլի նահանգային տնօրինություն և հայտնել, թե ցանկանում են դպրոցի տարածքից հանել Ալթունիզադեում գտնվող տարածքները: Վաքըֆը մտադիր էր այդ տարածքները վաճառել և ստացված եկամուտներով ապահովել հայ որբերի կրթության ծախսերը: Ազգային կրթության ստամբուլի նահանգային տնօրինությունը վաքըֆի դիմումն ստանալուն պես տեսուչներին պատվիրել է զեկույց պատրաստել այդ խնդրի վերաբերյալ: Տեսուչները կարծիք են հայտնել, թե «Արտաքին գործերի նախարարությունը պետք է այս դպրոցը փակի», սակայն նախարարությունը մերժել է այդ առաջարկն այն հիմնավորմամբ, թե «փոքրամասնության դպրոցի փակումը կվնասի երկրի իմիջին»: Այդպիսով` դպրոցի տարածքը բնակելի տարածքում ընդգրկելու հույսը ջուրն է ընկել: Գալֆայան վաքըֆի նախագահ Դանիել Անթիքաջըօղլուն նշել է, թե «իրենք այդ ծախսերը կհոգան այլ աղբյուրներից ստացվելիք եկամուտներով»:

13.02.2012

Akunq.net