«Աթաթուրքի պաշտպանության օրենքը, որն ընդունվել է 50-ականների վերջին, պետք է հանվի, քանի որ անհեթեթություն է հատուկ օրենք ընդունել Աթաթուրքին կամ որևէ այլ անձի պաշտպանելու համար»,- ասել է Թուրքիայի գլխավոր ընդդիմադիր կուսակցության` Հանրապետական ժողովրդական կուսակցության առաջնորդ Քեմալ Քըլըչդարօղլուն, հայտնում է «Ջիհան» լրատվական գործակալությունը:
Թուրք ընդդիմադիր քաղաքական գործիչը նաև հայտարարել է, թե իրենց կուսակցության ձեռքի գործն է 1948 թ. թուրք հայտնի պոետ Սաբահաթթին Ալիի սպանությունը: Այս բանաստեղծը 1932 թ. իր պոեմում վիրավորել էր Քեմալ Աթաթուրքին:
Հանրապետական ժողովրդական կուսակցությունը Թուրքիայի Հանրապետության վաղ շրջանում 27 տարի միակուսակցական կարգով իշխել է երկրում:
Հայտնի է, որ Թուրքիայի ներկայիս վարչապետը բազմիցս քննադատել է նշված ընդդիմադիր կուսակցությանը` մեղադրելով նաև 1937 թ. (Դերսիմում–Ակունքի խմբ.) տեղի ունեցած ջարդերի համար:
Leave a Reply